店麻咖 黏到腳 叫阿爸 買豬腳
豬腳摳 滾爛爛 夭鬼囝仔流口水
羞 羞 羞 提籃仔 拾魚鰡
一尾煮來呷 一尾糊目睭
風緊來 一仙予你買鳳梨
風緊去 一仙予你買傢司
一年的空空 二年的孫悟空
三年的吐劍光 四年的敖膨風
五年的上帝公 六年的閻羅王
一的炒米香 二的炒韭菜
三的沖沖滾 四的炒米粉
五的五將軍 六的攬子孫
七的七蝦米 八的信肚綰
九的倒在蠕 十的倚起來看
打你千 打你萬 打你一千過五萬
老鼠仔欲啁就緊啁 不啁給你打到啁
初一早 初二早 初三睏到飽
初四接神 初五隔開
初六舀肥 初七七元
初八完全 初九天公生 初十有食席
十一請子婿
十二請查某子返來食泔糜配芥菜
十三關老爺生 十四月光 十五是上元暝
火金姑 來呷茶
茶燒燒 呷香蕉
香蕉冷冷 吃龍眼
龍眼無肉 吃雞肉
雞肉油油 吃醬油
醬油鹹鹹 吃里鹹
里鹹酸酸 吃腳瘡
腳瘡臭臭吃一下死翹翹
喂 喂 喂 臺灣出甜粿
甜粿真好食 臺灣出木屐
木屐真好穿 臺灣出鴐鴒
鴐鴒會講話 臺灣出棉被
棉被蓋會燒 臺灣出芎蕉
芎蕉真大比 臺灣出蕃藷
蕃藷會止飢 臺灣出飛機
飛機真敖飛 臺灣出鼓吹
鼓吹真會陳 臺灣出炸彈
