眼看當今的世界，紛紛擾擾的年代，
人心變動尚厲害，自私無情攏總來
⋯⋯
現實人生的無奈，請您聽我講看嘜，
一桌一桌來出菜，酸甜苦澀心內知
做人父母真悲哀，教子教甲這失敗，
小漢充滿著期待，大漢互相變忍耐
是阮過份來寵愛，造成彼此的傷害，
鬱卒痛苦無人災，憨憨等待天安排
夫妻本來真恩愛，為的生活情變醜，
怨嘆委屈無諒解，艱苦 嘸願來忍耐
冤家相罵全話屎，講話比刀擱卡「利」
一聲不合講bye bye，為名為利走天涯
兄弟之情尚實在，小漢相親又相愛，
約束相挺拼未來，拼乎親戚朋友知
誰知大人的世界，自私現實講應該，
大漢分家隨人代，財產計較尚厲害
朋友交陪看內才，真心誠意相對待，
酒肉之交顧嘴內，利害之交重外在
道義之交無幾擺，生死之交落下頦，
一天利益來阻礙，拿刀拿槌塊相抬
老闆員工的世界，互相需要求和諧，
賺那有錢笑咳咳，講情講義講未來
賺那無錢面色醜，講話親像作風颱，
一切攏是錢主宰，莫怪財神通人拜
人生短短數十載，何必活甲這悲哀，
攏是私心來作怪，咱的關係才變壞
您我有緣來熟識，將心比心相對待，
歡喜感恩在心內，幸福快樂就會來
做人第一學忍耐，改變自己尚實在，
認真懺悔來修改，私心放下「福」就來
